У Магілёве бяздомны, якому не налілі піва, падпаліў шапік

Пажар у гандлёвым шапіку адбыўся ў Магілёве каля прыпынка грамадскага транспарту "Прывакзальная плошча". Прычынай пажару стала тое, што 48-гадовы непрацуючы бяздомны мужчына падпаліў запальнічкай яго тэнт, піша sb.by. 

Афіцыйная прадстаўніца Ленінскага РАУС Магілёва Алена Сіманава распавяла падрабязнасці інцыдэнту. Па яе словах мужчына прасіў у прадавачкі бясплатна наліць яму піва, але тая адмовіла. Тады бяздомны вырашыў адпомсціць і падпаліў тэнт шапіка. Цяпер яму давядзецца адказваць за хуліганства.

Уладальнікі павільёна ацанілі шкоду ў 150 рублёў.