У цэнтры Масквы шасцёра беларусаў напалі на двух паліцэйскіх

У цэнтры Масквы шасцёра беларусаў напалі на двух паліцэйскіх. Як інфармуе агенцтва гарадскім навін “Масква”, здарэнне адбылося ў адным з гатэляў на вуліцы Антонава-Аўсеенкі. У паліцыю звярнулася ахова гатэля — яна не змагла супакоіць аднаго з гасцей, які быў у стане алкагольнага ап’янення і хуліганіў. Праваахоўнікі спрабавалі затрымаць грамадзяніна Беларусі ў гатэлі, але ён супраціўляўся і паклікаў на дапамогу землякоў. Пяць мужчын прыйшлі на дапамогу беларусу, білі і штурхалі паліцэйскіх.

У выніку паліцыя затрымала двух беларусаў, удзельнікаў сутычкі. Астатнія ўдзельнікі нападу на праваахоўнікаў разбегліся, іх знайшлі пазней на тэрыторыі гатэлю. На ўсіх затрыманых склалі адміністрацыйныя пратаколы аб дробным хуліганстве, праводзіцца праверка. Вядома, што паліцэйскія ў сутычцы атрымалі лёгкія траўмы, іх здароўю нішто не пагражае. Тым не менш, за напад на супрацоўнікаў органаў унутраных спраў беларусам пагражае да 5 гадоў пазбаўлення волі.