Мінздароўя: Дапамога дзіцяці ў Нясвіжы аказвалася на належным узроўні

Міністэрства аховы здароўя ўзяла на кантроль сітуацыю са смерцю шасцімесячнага хлопчыка ў Нясвіжы. 

Як паведамлялася раней, Арцём Грыцкевіч загінуў 5 студзеня ў рэанімабілі па дарозе ў клініку. Спярша ў дзіцяці паднялася тэмпература. Лекары вырашылі, што ў яго падазрэнне на пнеўманію, і паклалі ў Нясвіжскую лякарню. 

У Нясвіжы лекары з-за падазрэнняў на заражэнне крыві вырашылі даставіць дзіця ў Салігорск, перадае тэлеканал СТВ. У Салігорску — адзіная дзіцячая рэанімацыяю на некалькі раёнаў. Аднак да Салігорска рэанімабіль не даехаў — хлопчык памёр.

У Мінздароўі стварылі адмысловую камісію, якая даследую прычыны трагедыі. У каментары СТБ спецыяліст галоўнага ўпраўлення арганізацыі медыцынскай дапамогі і экспертызы Мінздароўя Валянціна Ваўчок паведаміла: "У прыватнасці, мы глядзім якасць аказання медыцынскай дапамогі дзіцяці. Магу сказаць, што нейкіх відавочных дэфектаў мы не знайшлі на сёння. На жаль, прычыны на сёння пакуль не вядомыя. Але дапамога аказвалася на належным узроўні. Яму не змаглі дапамагчы".

Прычыну смерці дзіцяці назавуць пасля заканчэння працы медкамісіі.