Літаратурная гасцёўня

Источник материала:

21 лютага адначаўся Міжнародны Дзень роднай мовы. Бібліятэкары сумесна з настаўніцай беларускай мовы Валянцінай Некрашэвіч запрасілі вучняў бабуніцкай школы ў бібліятэку на мерапрыемства “Багатая, родная ты мова”. Літаратурная гадзіна пачалася з беларускай  мелодыі, выкананай Юліянай Крук на цымбалах.

 Марына Радзівонава зрабіла агляд навінак сучаснай літаратуры. У час вуснага часопіса гучалі вершы Петруся Броўкі, Міколы Мятліцкага, Янкі Сіпакова. Усіх зацікавіла прэзентацыя кнігі    “Беларуская граматыка” Браніслава Тарашкевіча.  Вучні паўдзельнічалі ў конкурсах і віктарынах “Адгадай загадку”, “Перакладзі слова з рускай мовы”, “Складзі прыказку”.

Наталля СТРАКАЧ.