У Петрыкаве адбыўся раённы злёт атрадаў юных выратавальнікаў-пажарных

Источник материала:

Раённы злёт атрадаў юных выратавальнікаў-пажарных традыцыйна прыняла гімназія. Арганізатарамі мерапрыемства выступілі раённы аддзел па надзвычайных сітуацыях і аддзел адукацыі, спорту і турызму райвыканкама.

Удзельнікі злёту прадставілі свае навыкі і веды ў страявой падрыхтоўцы, тэсціраванні на веды правіл бяспекі, пажаратушэнні, аказанні першай даўрачэбнай дапамогі, творчых прэзентацыях.

У барацьбе за права прадстаўляць раён на занальным этапе перамагла каманда гімназіі. Другое месца дасталося камандзе сярэдняй школы № 2,  а каманда Капаткевіцкай школы стала дыпламантам ІІІ ступені.

Дзеці былі ўзнагароджаны падарункамі ад РАНС, дыпломамі аддзела адукацыі, спорту і турызму і прызамі ад арганізацыі Чырвонага Крыжа.

Валянціна ЯХНО, РАНС.