З маладым запалам. 21.by

З маладым запалам

21.05.2018 — Разное |  
Размер текста:
A
A
A

Источник материала:

З маладым запалам

Штогадовы гарадскі турнір па валейболе сярод маладзёжных камандаў назваў арганізацыі, у якіх працуе самая спартыўная моладзь.

Гэта – філіял ВУ «Стоўбцыгаз», філіял ААТ «ККХ «Мінскі маторны завод» у г. Стоўбцы і Стаўбцоўскія электрасеткі, якія па выніках спаборніцтва занялі першае, другое і трэцяе месцы адпаведна. На гэты раз не ўвайшлі ў тройку прызёраў, але таксама вылучаюцца моцнымі спартыўнымі традыцыямі раённы аддзел па надзвычайных сітуацыях і мясакансервавы камбінат. У камандзе мясаперапрацоўшчыкаў выступала і адзіная на турніры дзяўчына – эканаміст Вольга Дударэвіч. Склад камандаў быў пераважна маладзёжны, але, з улікам вопыту ранейшых турніраў, дапускаўся ўдзел не больш за трох работнікаў ва ўзросце старэй за 31 год.      

– Турнір выдаўся гарачым. Некалькі сустрэч закончыліся з аднолькавым лікам, таму для вызначэння пераможцы былі арганізаваны дзве «лішнія» гульні, – расказала адна з арганізатараў, галоўны спецыяліст аддзела ідэалагічнай работы, культуры і па справах моладзі райвыканкама Анастасія Віслаўская.

Таксама ў ліку арганізатараў папулярнага сярод працоўнай моладзі Стоўбцаў турніру – раённы камітэт БРСМ, дзіцячая юнацка-спартыўная школа Стаўбцоўскага раёна. На базе гэтай установы, у зале фізкультурна-аздараўленчага комплексу, і праходзіў турнір. Суддзямі яго выступілі супрацоўнікі школы – інжынер Генадзь Макась і інструктар-метадыст Аляксандр Дзям’янка.    

Пераможца і прызёры маладзёжнага турніру па валейболе атрымалі дыпломы і спортінвентар у падарунак.

Таццяна ПЯТКЕВІЧ

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Штогадовы гарадскі турнір па валейболе сярод маладзёжных камандаў назваў арганізацыі, у якіх працуе самая спартыўная моладзь. Гэта – філіял ВУ «Стоўбцыгаз»,...
 
 
 

РЕКЛАМА

Архив (Разное)

РЕКЛАМА

© 2004-2020 21.by
Яндекс.Метрика