Парывісты вецер і дождж чакаюцца ў Беларусі 3 кастрычніка

У сераду, 3 кастрычніка, у Беларусі чакаецца воблачнае з праясненнямі надвор'е, паведамляе Белгідрамет. 

На большай частцы тэрыторыі пройдуць кароткачасовыя дажджы. Вецер будзе паўднёва-заходні, заходні ўмераны, уначы парывісты, а ўдзень у многіх раёнах — моцны парывісты. 

Уначы слупок тэрмометра пакажа ад +3 да +9, удзень падымецца да 8-14 вышэй за нуль. 

4 кастрычніка надвор'е ў нашай краіне па-ранейшаму будзе вызначаць цыклон, які змяшчаецца з Пскоўскай на Валагодскую вобласць Расіі. Праўда, кароткачасовыя дажджы пройдуць па паўночна-ўсходняй палове краіны. 

Палепшае надвор'е ўжо ў пятніцу. Кароткачасовыя дажджы прагназуюцца па поўначы Беларусі. Уначы ў асобных раёнах чакаюцца замаразкі да 1-4 градусаў марозу. Удзень пацяплее — ад +8 градусаў па паўночным усходзе да +16 па захадзе.