У Расіі грузавік абрынуў аўтамабільны мост над чыгункай (відэа)

У горадзе Свабодны Амурскай вобласці Расіі над чыгункай (Трансібірскай магістраллю) абрынуўся аўтамабільны мост. Здарэнне трапіла на відэа. Быў пашкоджаны грузавы цягнік, які стаяў пад мастом. Вядома пра аднаго пацярпелага, гэта кіроўца грузавога аўтамабіля, яго шпіталізавалі, інфармуе meduza.io.

Мясцовыя ўлады спрабуюць у самыя кароткія тэрміны аднавіць рух на чыгунцы. Мяркуецца, што мост мог абрынуцца з-за руху па ім цяжкага грузавога транспарту.