Магілёвец, што загінуў, з'ехаў у горкі не на цюбінгу, а на аўтамабільнай камеры

Магілёвец, што загінуў у парку Падніколле, з'ехаў у горкі не на цюбінгу, а на аўтамабільнай камеры. Пра гэта распавяла афіцыйная прадстаўніца Упраўлення Следчага камітэта па Магілёўскай вобласці Анастасія Лаўрыновіч, інфармуе сайт mogilevnews.by.

Трагічнае здарэнне адбылося ўвечары 6 студзеня. На аўтамабільнай камеры каталіся двое маладых людзей. Падчас аднаго з спускаў 24-гадовы мужчына стукнуўся галавой аб ліхтарны слуп. Ён памёр на месцы. Яго знаёмы не пацярпеў. Па факце здарэння праводзіцца праверка, прызначаныя экспертызы.

Несанкцыянаваную горку ў магілёўскім парку мясцовыя жыхары зладзілі каля лесвіцы з каскадным фантанам.