Мядзведзь ласуецца мёдам. 21.by

Мядзведзь ласуецца мёдам

21.03.2019 — Разное |  
Размер текста:
A
A
A

Источник материала:

article4452.jpg
Праўда, без дазволу гаспадара...
 
Напрыканцы тыдня пчаляр з Івацэвічаў Мікалай Леанюк вырашыў наведаць сваю пасеку ў лесе, якая знаходзіцца за Гічыцамі пад Козіцкім возерам. Прыехаў і вачам сваім не паверыў: карціна разбою і валтузні з вуллямі выглядала сумна. 

Два вуллі, якія былі з сотамі і пчоламі, ляжалі на баку, два пустыя вуллі засталіся нечапаныя. 
Гаспадар пасекі ездзіў «падкарміць» пчол 8 сакавіка, і тады ўсё было ў парадку, а цяпер ад убачанага забалела душа.
 Вуллі, што паламаў мядзведзь, каб паласавацца мёдам, былі зроблены моцна, на сумленне. Першы вулей мядзведзь адужаў перавярнуць і адарваў завес, каб далезці да рамак з мёдам. Потым з рамак павыядаў мёд, таптаўся, ляжаў. Рамкі зацягнуў на 5-10 метраў, пчол падушыў.  Другі вулей аказаўся мацнейшы. З ім мядзведзь павалтузіўся доўга, пакуль адарваў дошку з замком. Палову рамак з мёдам апустошыў і, пэўна, наеўся. Магчыма, «гаспадарыў» мядзведзь на пасецы і не адзін дзень, казаў Мікалай Міхайлавіч.
Падрыхтавала Валянціна БОБРЫК.
 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
 Праўда, без дазволу гаспадара...
 
 
 

РЕКЛАМА

Архив (Разное)

РЕКЛАМА


Яндекс.Метрика