Мужчына ў Бярозе вываліўся з акна пятага паверха

Следчы камітэт высвятляе абставіны здарэння, якое адбылося ў Бярозе 2 чэрвеня каля 12-й гадзіны.

Там з акна кватэры, размешчанай на пятым паверсе шматкватэрнага дома, вываліўся 35-гадовы мужчына. Яго шпіталізавалі ў лякарню ў цяжкім стане. 

Паведамляецца, што мужчына прыехаў у госці на дзень нараджэння да свайго сябра. У названай кватэры яны выпівалі. 

Бярозаўскі райаддзел Следчага камітэта праводзіць праверку па гэтым факце.