У 54 раёнах забаранілі наведваць лясы

У 54 раёнах Беларусі ўвялі забарону на наведванне лясоў. Гэта вынікае з інфармацыі інтэрактыўнай карты, размешчанай на сайце Міністэрства лясной гаспадаркі. Прычынай стала спякотнае надвор'е, падчас якога ўзрастае небяспека пажараў.

Наведваць лес нельга ў наступных раёнах:

Віцебская вобласць — Полацкі, Сенненскі, Шаркаўшчынскі;

Брэсцкая вобласць — Маларыцкі, Баранавіцкі;

Гродзенская вобласць — Астравецкі, Ашмянскі, Іўеўскі, Лідскі, Воранаўскі;

Магілёўская вобласць — Краснапольск, Касцюковіцкі, Хоцімскі, Быхаўскі, Асіповіцкі, Шклоўскі, Магілёўскі, Чавускі, Глускі, Бялыніцкі;

Мінская вобласць — Стоўбцаўскі, Дзяржынскі, Мінск, Смалявіцкі, Слуцкі, Старадарожскі, Салігорскі, Любанскі, Барысаўскі, Валожынскі, Уздзенскі, Пухавіцкі, Чэрвенскі;

Гомельская вобласць — усе раёны за выключэннем Акцябрскага і Жыткавіцкага.

Анамальна спякотнае надвор'е амаль без ападкаў трымаецца ў Беларусі другі тыдзень. На бліжэйшыя дні абвешчаны аранжавы ўзровень небяспекі.