Пад Бранскам беларус на фуры наехаў на мікрааўтобус, загінулі тры чалавекі

Пад Бранскам беларус на фуры наехаў на мікрааўтобус, загінулі тры чалавекі. 32-гадоваму грамадзяніну нашай краіны, жыхару Віцебшчыны, пагражае да сямі гадоў пазбаўлення волі. Як інфармуе bragazeta.ru, трагічнае здарэнне адбылося а 13-й гадзіне 1 ліпеня на 145-м кіламетры аўтадарогі Бранск — Новазыбкаў. Беларус разварочваў грузавік Volvo з прычэпам і сутыкнуўся з Mercedes Benz Sprinter, загінулі пасажыры ва ўзросце 25, 52 і 54 гадоў. Яшчэ 12 чалавек, а сярод іх двое дзяцей, атрымалі траўмы.

Па факце парушэння правілаў дарожнага руху, што пацягнула па неасцярожнасці смерць двух ці больш асобаў, распачатая крымінальная справа. Яе расследуе спецыялізаваны аддзел Следчага ўпраўлення паліцыі.