Выборы-2019. Досрочное голосование. Протасевичи

Источник материала:

На Асіповіччыне працягваецца датэрміновае галасаванне па выбарах дэпутата Палаты прадстаўнікоў Нацыянальнага сходу краіны сёмага склікання.

У Пратасевіцкім сельвыканкаме, дзе размешчаны ўчастак для галасавання № 54, з 556 выбаршчыкаў на 13 чысло 35 ужо аддалі свае галасы.

У Алены Пятроўны Анюцінай салідны ўзрост — сёлета распачала адлік дзявятага дзесяцігоддзя, — але яна самастойна дабіраецца на ўчастак, бо прывыкла да ўсяго адносіцца грунтоўна і ніколі не апускаць рукі. А аптымізм толькі дапамагае ў жыцці: доўгі час яна выступала ў мастацкай самадзейнасці, выгадавала пяцёра дзяцей.

Больш людзей прыходзіць на ўчастак з 17 да 19 гадзін: жыхары Забалацця і Пратасевічаў вяртаюцца з работы. Настрой — добразычлівы. З аддаленых вёсак Паплавы і Дварок ужо ёсць папярэднія званкі — члены камісіі наведаюць гэтыя населеныя пункты непасрэдна ў дзень выбараў. А адзіная жыхарка Пабокавічаў зараз у бальніцы — там і прагаласуе.

У нядзелю перад пратасевіцкімі выбаршчыкамі выступіць узорны дзіцячы ансамбль беларускай песні і музыкі “Лянок”.

У Савецкім Доме культуры таксама ў разгары датэрміновае галасаванне. Інфармацыйны стэнд размешчаны ў памяшканні, тут адказы на ўсе пытанні, якія могуць узнікнуць.

Актыўнасць праяўляюць і гараджане. На кожным з выбарчых участкаў №№ 44 і 45, якія наведалі, свой грамадзянскі доўг выканала каля сотні чалавек. I людзі працягваюць галасаваць.