Главная
Гороскопы
Чым у вольны час займаюцца вучні сярэдняй школы №1 г.п. Карэлічы? Вядома, заняткаў і спраў у іх шмат. У тым ліку, сачыць за парадкам на пешаходных пераходах разам з дзяржаўтаінспектарамі.
Як расказаў начальнік міжраённага аддзела Дзяржаўтаінспекцыі Навагрудскага РАУС Дзмітрый Аскерка, такім чынам ажыццяўляецца адпрацоўка пешаходных пераходаў з мэтай папярэджання дарожна-транспартных здарэнняў. Ды і для школьнікаў гэта магчымасць узгадаць і замацаваць на практыцы правілы бяспечных паводзін на дарозе.
Напачатку сакавіка вучні сярэдняй школы №1 г.п. Карэлічы разам супрацоўнікамі міжраённага аддзела ДАІ праінспектавалі пешаходныя пераходы ў раёне вуліцы Гагарына. Школьнікі былі ў камізэльках павышанай бачнасці для прыцягнення ўвагі ўдзельнікаў дарожнага руху і на “выдатна” справіліся з ускладзенымі на іх абавязкамі.
Падрыхтавала Марына КАЗЛОВІЧ
Фота прадастаўлены міжраённым аддзелам ДАІ