Вялікдзень у выключных умовах

Источник материала:

Калі не атрымаецца благаславіць велікодныя стравы ў касцёле, сёлета гэта можа зрабіць дома бацька сям’і або старэйшая асоба. Мітрапаліт Мінска-Магілёўскі арцыбіскуп Тадэвуш Кандрусевіч 8 красавіка выдаў Дэкрэт аб благаслаўленні велікодных страў у хатніх умовах, паведамляецца на сatholic.by.

З-за выкліканых пандэміяй каранавірусу складанасцяў не ўсе вернікі змогуць асабіста ўдзельнічаць у пасхальных набажэнствах, а таксама благаславіць у святыні стравы на велікодны стол. У сувязі з гэтым арцыбіскуп Тадэвуш Кандрусевіч зацвердзіў парадак і тэкст малітвы благас-лаўлення велікодных страў у хатніх умовах. Гэтую выключную магчымасць ва ўмовах надзвычайнай сітуацыі арцыпастыр даў вернікам-каталікам на Вялікдзень 2020 года.

Пасля таго як на традыцыйнае святочнае снеданне збярэцца ўся сям’я, на стале запальваецца свечка і гучыць традыцыйнае велікоднае прывітанне «Хрыстус уваскрос! Аллелюя!». Потым, як гаворыцца ў Дэкрэце, хтосьці з прысутных чытае ўрывак з Евангелля паводле Мацвея, тое месца, дзе апавядаецца, як раніцай жанчыны прыйшлі да магілы і першымі даведаліся ад анёла, што Хрыстус уваскрос. Пасля Евангелля кіраўнік прамаўляе малітву благаслаўлення (яе тэкст можна знайсці ў самім Дэкрэце). Затым усе разам моляцца: Ойча наш… Вітай, Марыя… Хвала Айцу… Супольная малітва завяршаецца знакам крыжа.