Пасол Украіны: Беларусь можа атрымаць урок з украінска-расійскіх адносін

Источник материала:

Падчас анлайн-канферэнцыі на сайце naviny.by пасол Украіны ў Беларусі Раман Бяссмертны правёў паралелі паміж украінска-расійскімі адносінамі падчас газавага канфлікту і цяперашнім станам адносін Беларусі і Расіі.

«Што да гісторыі дзвюх- ці трохгадовай даўнасці, звязанай з дыялогам ці дыскусіяй, якая была выкліканая пытаннем цаны на газ, то я хачу сказаць, што адказ на гэта пытанне вядомы ўсім: чым хутчэй усе дзяржавы, краіны, якія выйшлі з чэрава Савецкага Саюза, пяройдуць на рэальныя гандлёвыя і эканамічныя адносіны, тым менш будзе ўзнікаць такіх дыскусій, якія былі паміж урадам Украіны і ўрадам Расійскай Федэрацыі наконт цаны на газ. Чым хутчэй будуць урэгуляваныя гэтыя пытанні, тым больш змястоўным і глыбокім будзе супрацоўніцтва».