Аляксандр Лукашэнка памілаваў 11 асуджаных за ўдзел у вулічных беспарадках 19 снежня 2010 года

Источник материала:

Прэзідэнт Рэспублікі Беларусь Аляксандр Лукашэнка падпісаў шэраг указаў. У прыватнасці, кіруючыся прынцыпамі гуманнасці, Прэзідэнт падпісаў указ аб памілаванні 11 асоб, асуджаных за ўдзел у вулічных беспарадках у Мінску 19 снежня 2010 года.

Кіраўнік дзяржавы таксама зацвердзіў у якасці асновы для правядзення перагавораў Канвенцыю аб прывілеях і імунітэтах Еўразійскага эканамічнага супольніцтва, а таксама міжурадавае Пагадненне паміж Рэспублікай Беларусь і Рэспублікай Малдова аб умовах размяшчэння і абслугоўвання дыпламатычных прадстаўніцтваў.

Прэс-служба Прэзідэнта Рэспублікі Беларусь.