Каталіцкія біскупы кіруюцца ў Рым з візітам аd limina

Источник материала:

11–17 снежня адбудзецца візіт аd limina біскупаў з Беларусі ў Апостальскую Сталіцу — г. зн. візіт да грабніц святых Апосталаў. Гэта будзе трэці візіт ad limina епіскапату Беларусі ў Ватыкан і першы — да папы Бэнэдыкта XVI. Аўдыенцыю беларускім іерархам Святы Айцец удзеліць 17 снежня.

Візіты ad limina адбываюцца кожныя пяць год. Спачатку біскупы рыхтуюць адпаведныя справаздачы, кожны па сваёй дыяцэзіі, на падставе пытанняў, прадстаўленых Апостальскай Сталіцай. Справаздачы вельмі аб’ёмныя, як правіла, налічваюць каля 70 старонак. Пытанні датычаць жыцця Касцёла, існуючых у ім праблем, перспектыў развіцця Касцёла.