Яшчэ грошы

17.12.2009 10:02 — Новости Общества |

Размер текста:: A; A; A

Источник материала:

Еўракамісія прапаноўвае выдзеліць Беларусі 200 млн. еўра макрафінансавай дапамогі, паведаміла на сесіі Еўрапарламента 16 снежня ў Страсбургу еўракамісар па гандлі і Еўрапейскай палітыцы добрасуседства Беніта Ферэра‑Вальднер.

Прамая трансляцыя дэбатаў па сітуацыі ў Беларусі была даступна на сайце парламента ЕС.

Еўракамісар заявіла, што гэтае рашэнне яшчэ павінен ухваліць парламент, але не ўдакладніла, на якіх умовах Мінску будзе выдзелена дапамога: у якасці дапамогі або крэдыту.

Ферэра‑Вальднер таксама паведаміла, што ЕС мае намер павялічыць фінансаванне праграм, якія будуць рэалізоўвацца ў Беларусі ў 2010—2013 гадах.

Бюджэт для Беларусі ў рамках розных праграм ЕС на 2007—2010 гады вырас з першапачаткова запланаваных 20 млн. да 30 млн. еўра. У той жа час бюджэт для Грузіі складае 120,4 млн. еўра, Малдовы — 209,7 млн., Украіны — 494 млн. еўра.

Макрафінансавую дапамогу Беларусь запытала ў ЕС у чэрвені 2009 года.