Сэрца на манеце

Источник материала:

З сённяшняга дня Нацыянальны банк Беларусi ўводзiць у абарачэнне сярэбраную памятную манету "Маё сэрца", паведамiў карэспандэнту "Звязды" намеснiк начальнiка Упраўлення iнфармацыi галоўнага банка краiны Мiхаiл Журавовiч.

Манета выпушчаная намiналам 20 рублёў, пробай сплаву 925, масай 28,28 грама. Стылiзаваная выява сэрца мае тры ўстаўкi з сiнтэтычнага крышталя. Адчаканеная гэтая манета на АТ "Манетны двор Польшчы" якасцю "пруф" у стылiстыцы ювелiрнага ўпрыгожвання. Яе тыраж складае да 10 000 штук.

Таксама з сённяшняга дня ў абарачэнне ўводзiцца сярэбраная памятная манета "І.Хруцкi" намiналам 20 рублёў, пробай сплаву 925, масай 28,28 грама. Яна адчаканеная на АТ "Манетны двор Польшчы" якасцю "брыльянт-анцыркулейтэд" з прымяненнем метаду тампадрукавання. Тыраж манеты — 4000 штук.