У суд Ленінскага раёну Менску прывезьлі Алеся Бяляцкага, Валянціна Стэфановіча і Ірыну Тоўсьцік. Неўзабаве пачнуць разглядаць іхныя справы.Затрыманага разам зь імі журналіста Сяргей Сыса адпусьцілі на волю позна вечарам 23 сакавіка.
23 сакавіка а 15-й гадзіне праваабаронцы выйшлі з расьцяжкай “Не — сьмяротнаму пакараньню” да будынку прэзыдэнцкай адміністрацыі. Акцыя працягвалася некалькі хвілінаў, пасьля чаго ахоўнікі выклікалі міліцыю.
Удзельнікаў акцыі затрымана міліцыя. Ноч яны правялі ў турме на Акрэсьціна.
Падставай для пратэсту праваабаронцаў стаў расстрэл напрыканцы мінулага тыдня 25-гадовага Андрэя Жука і 30-гадовага Васіля Юзапчука, якім быў вынесены сьмяротны прысуд.
Главная
Гороскопы
