Справу пра напад на амбасаду Расіі перакваліфікавалі ў "падпал"
06.09.2010 13:55
—
Новости Общества
|
"Шэсьць чалавек затрыманы ў рамках крымінальнай справы, якая заведзена паводле артыкулу "падпал", - заявіў начальнік прэсавай службы менскай міліцыі Аляксандар Ластоўскі.
Раней прадстаўнікі МУС казалі, што крымінальная справа заведзена паводле артыкулу "хуліганства". Паводле Крымінальнага кодэксу Беларусі, максымальнае пакараньне за хуліганства - 3 гады пазбаўленьня волі. За падпал - да васьмі гадоў зьняволеньня. 3 верасьня супрацоўнікі сілавых структураў затрымалі шасьцёх актывістаў анархісцкага руху па справе аб выбуху каля расейскай амбасады. Імёны затрыманых: * Ігар Багачак * Валерыя Хоціна * Сяргей Сьлюсар * Мікалай Дзядок * Аляксей Жынгероўcкі * Аляксандар Францкевіч Усе затрыманыя знаходзяцца ў турме на вуліцы Акрэсьціна. Максымальны тэрмін затрыманьня без прад'яўленьня абвінавачваньня ў Беларусі складае 72 гадзіны. Пракурор можа падоўжыць гэты тэрмін да 10 сутак - паведамляе БелаПАН. Інцыдэнт ля расейскай амбасады ў Менску адбыўся ўвечары 30 жніўня. Невядомыя кінулі на тэрыторыю амбасады "кактэль молатава". У выніку згарэла машына дыпляматычнага прадстаўніцтва. 2 верасьня анархісцкая суполка "Сябры свабоды" ўзяла на сябе адказ за напад на амбасаду Расеі. Аўтары звароту, зьмешчанага ў інтэрнэце, патлумачылі, што акцыя праведзенае на знак падтрымкі абаронцаў Хімкінскага лесу, што пад Масквой. Чтобы разместить новость на сайте или в блоге скопируйте код:
На вашем ресурсе это будет выглядеть так
"Шэсць чалавек затрыманы ў рамках крымінальнай справы, якая заведзена паводле артыкулу "падпал", - заявіў начальнік прэсавай службы мінскай міліцыі Аляксандар...
|
|