Пуцін: Мы Лукашэнку не крыўдзім

Источник материала:

Прэм’ер-міністр Расіі Уладзімір Пуцін падчас прамой лініі з насельніцтвам, адказваючы на пытанне аб тым, «чаму Расія крыўдзіць Бацьку?», сказаў,

што, мабыць гаворка ідзе пра Лукашэнку, аднак Расія робіць для падтрымкі эканомікі Беларусі столькі, што сама пастаноўка пытання ў такой форме з’яўляецца некарэктнай.

«Калі гаворка ідзе пра Лукашэнку, то ў палітыцы дзейнічаюць не крыўды, а іншыя катэгорыі інтарэсаў. Я не буду казаць, што мы рабілі дзесяцігоддзямі для падтрымкі Беларусі і беларусаў, хоць яны атрымлівалі энерганосьбіты па дэмпінгавых коштах на мільярды даляраў, як і многія іншыя былыя савецкія рэспублікі.

Зараз мы дамовіліся, што паставім у Беларусь у наступным годзе 20–21 млн тон сырой нафты без пошлін,

гэта будзе каштаваць нашаму бюджэту каля $5 млрд 300 млн.

Пры гэтым беларускі бок верне пошліны толькі з нафтапрадуктаў, гэта каля $3 млрд, такім чынам расійскі бюджэт усё роўна недаатрымае $2,3 млрд», — сказаў Пуцін.

Далей прэм’ер-міністр прывёў аналагічныя прыклады субсідавання беларускай эканомікі, згадаўшы пагадненне па бяспошліннай пастаўцы газу, а таксама экспарце беларускай сельскагаспадарчай прадукцыі ў Расію, што з’яўляецца адчувальным для расійскіх фермераў.

«Казаць пра тое, што Расія паводзіць сябе некарэктна, сама пастаноўка пытання такая не мае пад сабой ніякіх падстаў…

Як бы ў нас не складваліся адносіны з беларускім кіраўніцтвам, а там іскрыць час ад часу, я сабе не дазваляў асабістых выпадаў на іх адрас… Але як бы там ні іскрыла, трэба шчыра сказаць усё ж: беларускае кіраўніцтва ўзяло ясны, цвёрды курс на інтэграцыю ў сфэры эканомікі з Расіяй»,

 — сказаў Уладзімір Пуцін, дадаўшы што гэты выбар заслугоўвае падтрымкі і павагі».