Главная
Гороскопы
Хто паступае вучыцца на міліцыянераў?
11.07.2011 21:20
—
Новости Общества
|
Хто паступае вучыцца на міліцыянераў? 9 ліпеня пачаўся прыём дакументаў у Акадэмію МУС Беларусі. Еўрарадыё вырашыла праверыць, што за людзі будуць хадзіць са зброяй па вуліцах і ахоўваць парадак…  На Факультэт міліцыі набор 177 чалавек. На 12 гадзінаў у панядзелак 11 ліпеня сюды падалі дакументы 142 чалавекі. З іх 40% (!) — 56 чалавек — маюць сярэдні бал ніжэй за 140! Летась прахадны бал на Следча-экспертны факультэт Акадэміі МУС склаў 103 балы. Будучыя следчыя здаюць тры іспыты: матэматыку, правазнаўства і мову. Плюс сюды ўлічваецца і сярэдні бал дыплома. Атрымліваецца, што калі ты быў сярэднічком у школе (6*10=60), а пасля на трох тэстах набраў па 15-20 балаў — усё: ты следчы! Магчыма, таму абітурыент, які сёлета набраў 223 балы, за свой лёс зусім не хвалюецца. Журналіст Еўрарадыё пагаварыла з высокім, здаровым хлопцам, які толькі што падаў дакументы і радасна выходзіў з Акадэміі. Хлопец: Сума выйшла 223 балы. Еўрарадыё: Гэта добра? Хлопец: Для дадзенай установы гэтага дастаткова. Мы пацікавіліся, чаму менавіта такі шлях выбраў для сябе абітурыент. "Вырашыў загадзя, даўно, гады тры таму. У нас пераемнасць пакаленняў, ужо, напэўна, чацьвёртае пакаленне працуе ў органах, таму і я вырашыў пайсці па слядах бацькоў", — кажа хлопец. Ля будынка міліцэйскай ВНУ — шмат бацькоў, усе яны чакаюць сваіх дзяцей. Сын звычайнага шафёра з Віцебску сёлета набраў усяго 157 балаў (паступае на Факультэт міліцыі). Але бацька кажа, што "спадзяванні паміраюць апошнімі": "Мы сюды прыехалі з Віцебскай вобласці паступаць. Балаў набралі не вельмі шмат — 157. Але шанец ёсць, спадзяванні паміраюць апошнімі. Летась з такімі баламі праходзілі, а ў гэтым годзе — будзем глядзець, спадзявацца…" Еўрарадыё: Чаму сын выбраў паступаць менавіта сюды? Бацька: Гэта ягоны выбар, ён сам захацеў. Даўно думаў, можа з класа сёмага. Даўно ў Акадэмію міліцыі марыў паступіць і іншы абітурыент з Віцебску. Яму пашчасціла трошку больш: ён набраў 196 балаў. Еўрарадыё пагутарыла з ягонай мамай, якая сядзела на лаўцы ля ўваходу ў Акадэмію, чакала сына... "Калі параўноўваць з мінулым годам, то шанец, нібыта, у нас ёсць. А так — хто яго ведае…" Еўрарадыё: А чаму вырашыў паступаць менавіта сюды? Маці: "Я думаю, што ён па характары падыходзіць, ён такі занадта адказны, і заўсёды быў такім. Вось хлопчык, а заўсёды быў дарослы такі, як "старэнькі". Я думаю, што гэта — для яго. Ён быў заўжды дысцыплінаваны, заўсёды любіў ездзіць у лагер. Такі стыль жыцця яму пасуе, аскетычны. Ён спортам вельмі сур'ёзна займаўся. Лёгкай атлетыкай, бегам з бар'ерамі… Ёсць разрад, дыпломы, медалі…" На 12 гадзінаў дня 11 ліпеня на Следча-экспертны факультэт падалі заяўкі 246 чалавек. Але усяго 7 (!) будучых следчых — з сертыфікатам больш за 300 балаў. І сярод іх увогуле няма ніводнага хлопца! Што будуць рабіць абітурыенты, калі не пройдуць конкурс? Ці будуць перакідваць свае дакументы кудысьці ў іншае месца? Пра гэта Еўрарадыё запыталася і ў саміх юнакоў, і ў іх бацькоў. "Нават і не думаў пра гэта. Няма ніякіх варыянтаў, ну, калі што — куды-небудзь на юрыста пайду". Маці аднаго з абітурыентаў кажа, што выбар тут невялікі — або псіхолаг, або юрыст: "Праблема ў тым, што на гэтыя спецыяльнасці няма яшчэ аднаго тэста. То бок ты здаеш тры тэсты — матэматыку, рускую, грамадазнаўства. І ўсё. Таму на нейкія тэхнічныя спецыяльнасці мы ўжо не можам пайсці. Таму што грамадазнаўства — гэта толькі юрыдычнае штосьці, або псіхолаг…". Еўрарадыё пацікавілася таксама, ці не баяцца абітурыенты, што ў святле апошніх падзеяў працы ў іх стане больш, а людзі пачнуць горш да іх ставіцца. Але будучых міліцыянтаў такія праблемы не палохаюць. "Не, не баюся, калі ўжо выбраў гэтую працу, то буду працаваць, прыстасоўвацца…". Чтобы разместить новость на сайте или в блоге скопируйте код:
На вашем ресурсе это будет выглядеть так
9 ліпеня пачаўся прыём дакументаў у Акадэмію МУС Беларусі. Еўрарадыё вырашыла праверыць, што за людзі будуць хадзіць са зброяй па вуліцах і ахоўваць парадак… На...
|
|