Краіна буслоў, азёр і кветак…

Источник материала:

“Голубое небо, голубые озера, голубые васильки — это моя Беларусь. Есть такое белорусское слово — “Радзіма”, это значит “Родина”. Одним словом о ней не расскажешь. Это — то, что всегда со мной, где бы я ни была…”
Так пачала аповед пра сваю гістарычную Радзіму Надзея Лебедзева на конкурсе “Міс “Асамблея народаў Расіі” — 2011”. Прадстаўляла яна Яраслаўскае таварыства руска-беларускай дружбы “Сяброўства”, якое ўжо шмат гадоў існуе пры Цэнтры беларускай культуры “Музей Максіма Багдановіча”.
І Надзя перамагла! Пакарылі гледачоў і журы не толькі прыгажосць і сардэчная ўсмешка дзяўчыны, але кранальны аповед пра родную Рэчыцу, дзе жыве яе бабуля. Бліснула арыгінальнасцю наша прыгажуня і ў творчым конкурсе: Надзея пазнаёміла гледачоў са старажытным беларускім мастацтвам выцінанкі, за тры хвіліны стварыла з простага ліста паперы ажурную кампазіцыю.
Цяпер Надзею чакае падарожжа па Скандынавіі, а яраслаўскіх беларусаў — новыя творчыя задумы.

Цэнтр беларускай культуры.
Музей Максіма Багдановіча, г. Яраслаўль