Калядныя кірмашы пройдуць у Вілейцы і Маладзечне

Источник материала:

Напярэдадні Калядаў і Новага года ў Маладзечне і Вілейцы пройдуць рэгіянальныя кірмашы. Адпаведнае распараджэнне ад 24 лістапада падпісаў старшыня Мінскага абласнога выканаўчага камітэта Барыс Батура.

Пра гэта паведаміў афіцыйны сайт Мінаблвыканкама.

У Маладзечне (а таксама ў Салігорску і Жодзіне) рэгіянальны кірмаш пройдзе 10 снежня. У Вілейцы (Барысаве, Слуцку і Нясвіжы) – 17 снежня. Акрамя таго, на 24 снежня і 7 студзеня запланаваныя раённыя калядныя кірмашы ва ўсіх раённых цэнтрах вобласці.

У кірмашах прымуць удзел арганізацыі гандлю і грамадскага харчавання, бытавога абслугоўвання. Будуць прадавацца прадуктовыя і прамысловыя тавары. Запланаваныя культурна-масавыя мерапрыемствы і шоу-праграмы.

Аддзел інфармацыі.