Пажарныя ўмеюць святкаваць

Источник материала:

Іх святы-шоу заўсёды выклікаюць самы непадробны інтарэс. У мінулую суботу ў сталічным дзіцячым парку імя Горкага і на галоўным гарадскім праспекце адбыўся парад пажарнай аварыйна-выратавальнай тэхнікі і духавых аркестраў МНС — у гонар Дня пажарнай службы, які прынята адзначаць 25 ліпеня. Шматлікія гледачы ўбачылі тэхніку, якая знаходзілася на ўзбраенні беларускіх пажарных і выратавальнікаў у розны час. За колішнімі ўзорамі сродкаў барацьбы з агнём па праспекце рушыла самая сучасная вогнетушыльная аўтатэхніка.

Акрамя незвычайнай выстаўкі мінчан і гасцей сталіцы весялілі артысты-аматары, працавалі гульнявыя пляцоўкі і нават палявая кухня.