Сэрцу мілы “Родны кут”

Источник материала:

У Іўі хутка адкрыецца новы магазін-кавярня.

Жыхары густанаселенага раёна горада паблізу аўтавакзала, што знаходзіцца на вуліцы 50 гадоў Кастрычніка, даўно марылі пра адкрыццё ўніверсальнага магазіна. Усё ж такі раён аддалены ад цэнтра. І вось чаканні спраўдзіліся. Да 1 снежня ў эксплуатацыю будзе ўведзены магазін-кавярня “Родны кут”. Як расказаў дырэктар Іўеўскага філіяла Гродзенскага абласнога спажывецкага таварыства Рычард Лужко, аб’ект быў узведзены амаль за дзевяць месяцаў гэтага года на сродкі банкаўскага крэдытавання. “Магазін самаабслугоўвання будзе адпавядаць усім патрабаванням пакупнікоў, — адзначыў ён. — У тым жа будынку размясцілася і кавярня на 24 месцы”.