Аверкаў праходзіў кастынг на тэлеканале ў Маскве?

Аверкаў праходзіў кастынг на тэлеканале ў Маскве?

Вядучы АНТ Аляксандр Аверкаў праходзіў кастынг на тэлеканале ў Маскве. На Грамадскім тэлебачанні Расіі ён пабываў 30 студзеня.

Аверкаў працуе на тэлеканале АНТ, вядзе праграмы "Нашы навіны" і "Контуры". Яму 53 гады. Ягоным голасам агучваюцца афіцыёзныя трансляцыі.

Фота Аляксандра Аверкава з кастынга вядучых з’явілася на сайце расійскага тэлеканала.




Грамадскае тэлебачанне Расіі — новы расійскі федэральны тэлеканал, які "ствараецца на прынцыпах грамадскага вяшчання". Старт тэлеканала запланаваны на 19 мая.

"Нідзе я нічога не праходзіў", — сказаў "НН" Аляксандр Аверкаў, пасля чаго сувязь перарвалася. Болей вядучы слухаўку не падымаў.

У 2006 годзе Аляксандр Лукашэнка ўзнагародзіў Аверкава медалём Францыска Скарыны.

У 2010 з паўвекавым юбілеем Аверкава Аляксандр Лукашэнка віншаваў асабіста. "Я дагэтуль не магу прыйсці ў сябе, — цытавала Аляксандра Аверкава прэс‑служба тэлеканала АНТ. — Віншаванне ад Аляксандра Лукашэнкі — прызнанне і велізарная адказнасць".