Куды выкінуць батарэйкі: адрасы па рэгіёне. 21.by

Куды выкінуць батарэйкі: адрасы па рэгіёне

15.12.2013 — Новости Общества |  
Размер текста:
A
A
A

Источник материала:


У Мядзеле кантэйнер устаноўлены ля ўвахода ва ўнівермаг.

Выкідаць батарэйкі ў сметніцу небяспечна. Іх шкодныя рэчывы трапляюць у зямлю, грунтавыя воды, а потым – да нас у арганізм.

Пра гэта раней распавёў дырэктар Цэнтра экалагічных рашэнняў Андрэй Лабанаў.

Тады мы прыводзілі адрасы ўсіх месцаў для выкідання батарэек у Маладзечне. Цяпер дадаём інфармацыю па рэгіёне.

Вілейка

У Вілейцы спецыяль-ныя кантэйнеры для збору выкарыстаных батарэек устаноўленыя ў магазіне “Гаспадарчыя тавары” па вуліцы Савецкай, у прымерачнай на міні-рынку КУП “Садружнасць”. У Вілейскім прафесійна-тэхнічным каледжы самі зрабілі такія кантэйнеры і ўстанавілі ў інтэрнатах, паведаміў галоўны спецыяліст Вілейскай раённай інспекцыі прыродных рэсурсаў і аховы навакольнага асяроддзя Мікалай Сабалеўскі.


Вялікую працу па ўстаноўцы міні-кантэйнераў для выкарыстаных батарэек правяла мясцовая жыллёва-камунальная гаспадарка. Забяспечылі імі ўнівермаг УП “Меркурый-цэнтр” і мэблевы магазін па вуліцы Вадап’янава, а таксама два прадуктовыя магазіны УП “Рамонак”: ля плошчы Свабоды і “Тапалёк” па вуліцы Кастрычніцкай.

Таксама падобныя ёмістасці ўстаноўленыя ў фае райвыканкама, гасцініцы “Вілія”, адміністрацыйным корпусе ЖКГ па вул. Чырвонаармейскай, 84, ЖРЭУ-1 (па вуліцы Горкага,14), ЖРЭУ-2 (па вуліцы Гагарына, 27), на ўчастку цеплавой вытворчасці (вул. Камсамольская,18-а).


А нядаўна перадалі міні-кантэйнеры для ўстаноўкі ў людных месцах на чатыры ўчасткі: у Даўгінаве, Людвінове, Ільі, Любані. Пра ўсё гэта расказала інжынер па ахове навакольнага асяроддзя (эколаг) ЖКГ Алена Шаманюк.

– Гляджу і па нашым адміністрацыйным будынку, і па ўнівермагу, што людзі  кідаюць выкарыстаныя батарэйкі ў кантэйнеры. Разумеюць, што гэта лепш, чым выкідаць іх у сметніцу, – кажа яна. – Нам нават тэлефанаваў пажылы чалавек, якому цяжка хадзіць. Пытаўся, як ён можа здаць батарэйкі. Сказалі, што калі назбірае трохі, то дапаможам: супрацоўнікі ЖКГ завітаюць да яго, забяруць.

За пяць выкарыстаных батарэек – адну новую. Чаму не?

Мядзел

У райцэнтры выкарыстаныя батарэйкі можна выкінуць ў кантэйнер, які ўстаноўлены на першым паверсе ўнівермага на плошчы Шаранговіча. Таксама кантэйнер устаноўлены ў прамтаварным магазіне ў вёсцы Нарач (Кабыльнік) па вуліцы Піянерскай, 6.

Валожын

Ва ўнівермагу (плошча Свабоды, 5)

Астравец

У будынку ЖКГ (вул. Карла Маркса, 45)

Ашмяны

Ва ўнівермагу (вул. Савецкая, 100)

Смаргонь

У краме “Сола” (вул. Савецкая, 9-б), краме “Стыль” (вул. Леніна, 3), краме “Сёмы кантынент” (вул. Заводская), краме “Мазаіка” (вул. Заходняя, 34-б).

Алесь ВЫСОЦКІ, Настасся РОЎДА.

Фота epochtimes.com.ua, cs7003.vk.me, "РГ".

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Выкідаць батарэйкі ў сметніцу небяспечна. Іх шкодныя рэчывы трапляюць у зямлю, грунтавыя воды, а потым – да нас у арганізм.
 
 
 

РЕКЛАМА

Архив (Новости Общества)

РЕКЛАМА

© 2004-2020 21.by
Яндекс.Метрика