Грошы — на дарогi

З 1 студзеня з аўтамабілістаў Беларусі спаганяецца дзяржпошліна.

Яна ўлічана ў Законе «Аб рэспубліканскім бюджэце на 2014 год». Падпісаны ён 31 снежня 2013 года і апублікаваны на Нацыянальным прававым партале 2 студзеня 2014 года. Артыкул 3 закона прадугледжвае «нарматывы адлічэнняў ад дзяржаўнай пошліны за выдачу дазволу на допуск транспартнага сродку да ўдзелу ў дарожным руху, якая атрымліваецца на тэрыторыі Рэспублікі Беларусь, у даход рэспубліканскага бюджэту — у памеры 50 працэнтаў, у даходы кансалідаваных бюджэтаў абласцей і бюджэту г. Мінска — у памеры 50 працэнтаў».

Пошліну патрэбна аплачваць перад прахо-джаннем тэхагляду (раз у год — для аўтамабіляў, старэйшых за 10 гадоў, раз у два гады ў падвоеным памеры — для аўтамабіляў, мала-дзейшых за 10 гадоў). Стаўкі пошліны ў асноўным залежаць ад вагі аўтамабіля і яго прыналежнасці фізічнай або юрыдычнай асобе.

Сабраныя грошы пойдуць на рамонт i будаўнiцтва новых дарог.