У Глыбокім усталююць скульптуру "Ісус і самарыцянка" і кампазіцыю ў гонар Мюнхаўзена

Каля Глыбоцкага хлебазавода плануецца адкрыццё алеі Герояў Сацыялістычнай працы раёна.

Насупраць будынка чыгуначнага вакзала будзе добраўпарадкавана тэрыторыя. На месцы старых і разбураных будынкаў пасадзяць кветкі.

Прывядуць у парадак і тэрыторыю каля гасцініцы "Арола", якая будуецца ў раёне вуліцы Садовай.

У раёне возера Бяглец і былой базы сельгасхіміі выкапаюць сажалкі, пасадзяць дубравы.

На ўездзе ў Глыбокае з боку населенага пункта Арэхаўна ўстановяць новы знак з назвай горада і крыж, зробяць клумбы.

У раёне новабудоўляў на вуліцах Сабалеўскага і Сонечнай ёсць магчымасць стварыць паркавую зону.

Добраўпарадкаванне закране таксама парк па вуліцы Савецкай і набярэжную возера Вялікае.

На плошчы 17 Верасня плануюць устанавіць скульптуру "Іісус і самарыцянка".

На возеры Кагальнае за ратондай у 40 метрах ад берага будзе ўстаноўлены фантан на вадзе з падсветкай. Непадалёк паставяць рарытэтную тэхніку і створаць сквер маладажонаў.

У Глыбокім павінен з'явіцца спецыяльны знак, які будзе сімвалізаваць цэнтр горада. Хутчэй за ўсё, яго ўстановяць на цэнтральнай плошчы альбо паблізу яе.

Да юбілею горада ў раёне вуліцы Горкага будзе размешчана кампазіцыя ў гонар Мюнхаўзена, над якой працуе прадпрымальнік Юрый Татарыновіч.

На вежы, што ў цэнтры горада, будзе ўстаноўлена каляровая падсветка.