З варагаў у грэкі

У Брэсце пачалі аднаўляць шлях ад Дняпра да Віслы.

Праект «Аднаўленне магістральнага воднага шляху Е-40 на ўчастку Днепр—Вісла: ад стратэгіі да планавання» прадугледжвае вяртанне водна-транспартнага спалучэння Балтыйскага і Чорнага мораў. Удзельнікі канферэнцыі, што адбылася ў Брэсце, падпісалі дэкларацыю аб яго падтрымцы як на нацыянальным, так і на міжнародным узроўні. Беларускі, польскі і ўкраінскі бакі таксама стварылі камісію з рабочымі групамі і сакратарыятам. Такім чынам, аднаўленне старажытнага шляху «з варагаў у грэкі» пераходзіць з тэорыі ў практыку.