Рамонт дарог – напрамак стратэгічны

Источник материала:

На мінулым тыдні Петрыкаўшчыну наведала член Савета Рэспублікі Нацыянальнага сходу Рэспублікі Беларусь Аксана Кавалькова.

Аксана Міхайлаўна разам са старшынёй раённага Савета дэпутатаў Сяргеем Макарэвічам правяла сустрэчу грамадзянаў у памяшканні райсавета. На прыём звярнулася некалькі жыхароў раёна. У сваіх зваротах яны закранулі пытанні будаўніцтва дарог і жылля, працаўладкавання.

Наталля Бялько у мінулым працавала жывёлаводам у КСУП імя Ульянава, выйшла на пенсію і лічыць, што ёй арганізацыя не аплаціла за перапрацоўку працоўнага часу. Аксана Кавалькова паабяцала вывучыць агучанае заяўніцай пытанне.

Віктара Іванова непакоіць стан дарожнага пакрыцця ў горадзе. На яго думку, сур’ёзнай увагі патрабуе і вуліца Пушкіна. Таксама спадара хвалявала пытанне працаўладкавання моладзі.

Сяргей Макарэвіч запэўніў, што працы для моладзі хапае – у  раёне ў службу занятасці прадпрыемствамі і арганізацыямі заяўлена больш 150 вакансій. Узводзіцца горнаабагачальны камбінат, дзе таксама патрабуюцца рабочыя рукі. Адносна ж рамонту дарожнага пакрыцця – работы ўжо вядуцца.

Петрыкаўчанін Юрый Танюшкін агучыў сваю праблему: у час дажджу вада зацякае ў пад’езд шматкватэрнага дома.  Прысутны на прыёме выканаўца абавязкаў дырэктара райжылкамгаса Юрый Кузняцоў запісаў гэта пытанне для разгляду і прыняцця мер.

Н. ЧАРНЯЎСКАЯ, фота А. ГУСЕВА.