Свята да Дня медыцынскіх работнікаў прайшло ў Цэнтры культуры

15.06.2018 — Новости Общества |

Размер текста:: A; A; A

Источник материала:

У Смаргоні ўганаравалі людзей самай гуманнай прафесіі – медыцынскіх работнікаў.

У фае Цэнтра культуры “віноўнікаў” урачыстасці сустракаў ваенны аркестр. А на сцэне для іх выступалі Дзяніс Дзямідаў і Марына Шорац. З віншаваннямі да дня прафесійнага свята і падарункамі прыйшлі старшыня райвыканкама Генадзь Харужык, яго намеснік Генадзь Бычко, старшыня раённага аб’яднання прафсаюзаў Вікенцій Найдзіч, ваенны камісар Леанард Гружэўскі і благачынны Смаргонскай акругі Анатоль Рэзановіч.

Ганаровымі граматамі Смаргонскага райвыканкама і раённага Савета дэпутатаў узнагароджаны галоўны ўрач ЦРБ Сяргей Кудзяньчук, урач-анколаг Віктар Дамшэвіч, участковая медсястра Святлана Заіка, урач-педыятар Ала Карвецкая, аперацыйная медсястра Вольга Сенчанка.

Ганаровыя граматы і падзячныя лісты ўпраўлення аховы здароўя аблвыканкама атрымалі за добрасумленную працу ў галіне ўрач Станіслаў Ордаш, загадчык хірургічным аддзяленнем Аляксандр Саўко, урач-нарколаг Ірына Турноўская, медсястра Ірына Капцюг, акушэрка Людміла Шыш, медсёстры Наталля Гілёва і Вольга Бажышка. Шэраг працаўнікоў узнагароджаны граматамі галоўнага ўрача.

Вікенцій Найдзіч узнагародзіў граматамі прафсаюзнага камітэта творчы калектыў ЦРБ і ўрача лабараторнай дыягностыкі Анастасію Шашура за другое месца на ІІ этапе рэспубліканскага творчага конкурсу “Новы імёны Беларусі – 2018”, а таксама за доўгалетнюю працу – Святаслава Меляшкевіча, загадчыка аддзялення хуткай медыцынскай дапамогі.