Слаўныя ўспаміны юбілейнага года

Источник материала:

На працягу некалькіх месяцаў мы будзем публікаваць вытрымкі з газетных старонак розных гадоў, замалёўкі пра тых людзей, якія стаялі ў вытокаў “Светлага шляху”, якія не саромеліся хваліць, не баяліся крытыкаваць і з гонарам казалі: “Я – журналіст”. 

Спадзяёмся, што вам будзе цікава разам з намі прайсці шлях ад друкаванай лістоўкі апошніх ваенных гадоў да каляровага выдання, якое адлюстроўвае жыццё раёна сёння.

“Паступаючыя з Германіі звесткі гавораць аб тым, што паражэнні нямецкіх войск на совецка-германскім фронце прывялі да катастрафічных вынікаў і ўнутры краіны. У Германіі ўзмацняецца паніка і разруха. Прыведзен у разбурэнне транспарт. Міліёны жыхараў бягуць з усходніх абласцей. Яны перапоўнілі многія гарады. Насельніцтва БЕРЛІНА атрымала загад аб эвакуацыі. З харчаваннем справа абстаіць так дрэнна, што ўлады не могуць зябяспечваць бежанцаў. Абвешчана аб скарачэнні пайка для ўсяго насельніцтва.

Як паведамляюць знаходзячыяся ў БЕРЛІНЕ карэспандэнты нейтральных краін, туды разам з патокам бежанцаў прыбывае з усходу вялікая колькасць дызерціраў. Гэты факт пацвярджаецца і загадамі ваенных улад, якія забараняюць насельніцтву пад пагрозай найстражэйшых пакаранняў прадстаўляць прытулак ваеннаслужачым, “адстаўшым ад сваіх часцей”.

Амерыканскія карэспандэнты адзначаюць, што наступленне Чырвонай Арміі прывяло да падзення духу гітлераўскіх салдат і на заходнім фронце. Нямецкая абарона тут робіцца больш слабай у выніку перакідкі значнай часткі войск на усход. Павялічваецца лік варожых салдат і афіцэраў, якія здаюцца ў палон.

Пераадольваючы ўпорнае супраціўленне ворага, воіны Чырвонай Арміі прадаўжаюць прасоўвацца ўперад. Да БЕРЛІНА ўжо засталася не больш 70 кілометраў”.

(Газета “Перамога” ад 8 лютага 1945 г.).