Віляйчане – лепшыя
03.05.2010
—
Новости Спорта
|
Другое адкрытае першынство Маладзечанскага раёна па каратэ сярод юнакоў, кадэтаў і юніёраў прайшло 24 красавіка ў зале грэка-рымскай барацьбы на вуліца Ясінскага, 21. Вілейскія каратысты занялі агульнакаманднае першае месца. Другое і трэцяе месцы – у двух сталічных спартыўных клубаў. У спаборніцтвах узялі ўдзел спартсмены з шасці клубаў Беларусі, расказаў у інтэрв’ю “РГ” трэнер маладзечанскага клуба “Сакура” Сяргей Хадасевіч. У Маладзечна прыехалі юныя каратысты з клубаў Вілейкі, Мінска і Мазыра. Ад “Сакуры” ў дзвюх ўзроставых групах удзельнічалі два каратысты – Юры Радзівілка і Павел Сяляўка. Юра заняў першае месца ў катэгорыі 10-11 гадоў, Павел стаў трэцім ва ўзросце 14-15 гадоў. Вельмі паспяхова выступілі віляйчане. Як вынік – агульнакаманднае першае месца. Гонар Вілейкі абаранялі 15 чалавек. У розных узроставых катэгорыях нашы землякі выйгралі пяць першых месцаў. Трэнер Сяргей Кірыевіч расказаў “РГ”, што лепшымі сталі: Мікіта Кірыевіч (у дзвюх узроставых катэгорыях), Павел Кірыевіч, Яўген Канапелька і Улад Закрэўскі. На рахунку віляйчан таксама чатыры другія і чатыры трэція месцы. Сяргей ЗЯНЬКО. Чтобы разместить новость на сайте или в блоге скопируйте код:
На вашем ресурсе это будет выглядеть так
Другое адкрытае першынство Маладзечанскага раёна па каратэ сярод юнакоў, кадэтаў і юніёраў прайшло 24 красавіка ў зале грэка-рымскай барацьбы на вуліца Ясінскага,...
|
|