Рыжскае «Дынама» перамагло мінскае па булітах

Источник материала:

У чарговым матчы чэмпіянату КХЛ мінскае «Дынама» саступіла па булітах дынамаўцам Рыгі — 3:4 (2:1, 0:1, 1:1, 0:0, буліты — 1:2). Гульня прайшла 31 кастрычніка ў Бабруйску.

Шайбы закінулі:

у гаспадароў — Сяргей Варламаў (12.40, у большасці, асістэнты — Петэр Падградскі, Максім Спірыдонаў), Сяргей Шэлег (16.28, пас — Сяргей Варламаў), Петэр Падградскі (54.53, пас — Андрэй Міхалёў);

у гасцей — Лаўрыс Дарзіньш (8.42, пас — Мікеліс Рэдліхс), Томаш Суровы (24.21, асістэнты — Аляксандр Ніжывій, Крыстапс Сотніекс), Радрыга Лавіньш (46.39, у большасці, пас — Мікеліс Рэдліхс).

Буліты — 1:0 (Дзмітрый Мялешка), 1:1 (Аляксандр Ніжывій), 1:1 (Джэф Плат — не закінуў), 1:2 (Лаўрыс Дарзіньш), 1:2 (Канстанцін Глазачаў — не закінуў).

Пасля 23 матчаў «Дынама» з 35 ачкамі займае трэцяе месца ў дывізіёне Тарасава, чацвёртае ў Заходняй канферэнцыі і 10-е ў агульнай табліцы,

атрымаўшы 9 перамог у асноўны час, 2 у авертайме, 1 па буліт ах і зведаўшы 9 паражэнняў у асноўны час, 1 у авертайме і 1 па булітах, закінуўшы 66 і прапусціўшы 63 шайбы.

Галявая статыстыка гульцоў: Максім Спірыдонаў — 17 (8+9), Канстанцін Глазачаў, Ёзэф Штумпел — па 16 (5+11), Джэф Плат — 14 (9+5), Сяргей Дзямагін — 13 (11+2), Петэр Падградскі — 10 (3+7), Аляксандр Кулакоў — 8 (5+3), Дзмітрый Мялешка — 8 (4+4), Дэвід Неміроўскі — 8 (2+6), Давід Петрашак — 8 (1+7), Андрэй Антонаў — 8 (0+8), Андрэй Стась — 7 (3+4), Сяргей Варламаў — 6 (2+4), Андрэй Міхалёў — 5 (3+2), Томаш Мойжыш — 5 (1+4), Віктар Касцючонак — 4 (0+4), Дзмітрый Корабаў, Джордан Хенры — па 3 (1+2), Сяргей Шэлег — 2 (1+1), Хану-Пека Пікарайнен — 1 (0+1).

Наступныя шэсць матчаў «Дынама» правядзе ў гасцях:

5 лістапада — з ЦСКА, 7-га — з «Віцязем», 17-га — з «Трактарам», 19-га — з «Салаватам Юлаевым», 21-га — з магнітагорскім «Металургам», 23-га — з «Атлантам».