У Мядзеле прайшла "Беларуская лыжня-2013"

Источник материала:

На старце эстафеты.

У суботу, 23 лютага, адбылося раённае зімовае спартыўнае свята "Беларуская лыжня-2013". Праходзіла яно ў лясным масіве каля вёскі Шыкавічы.

Удзельнікі высвятлялі хутчэйшых у эстафеце: у кожнай камандзе беглі па два мужчыны і жанчына.

Каманды былі падзеленыя на тры групы. Найбольш удзельнікаў было ў той, дзе змагаліся арганізацыі і прадпрыемствы раёна.

Тут перамогу атрымалі супрацоўнікі райаддзела па надзвычайных сітуацыях.

Сярод прадстаўнікоў мясцовых выканаўчых камітэтаў мацнейшая была каманда Свірскага пасялковага савета.

Паміж аддзелаў райвыканкама і арганізацыйных структур грамадскіх аб'яднанняў лепшымі сталі прадстаўнікі раённай арганізацыі "Белай Русі".

Пераможцаў узнагародзілі кубкамі, граматамі і грашовымі прэміямі.

Алесь ВЫСОЦКІ.

Фота Алеся ВЫСОЦКАГА.