Мядзельскія весляры сталі прызёрамі абласных спаборніцтвах

Источник материала:

Алена Карпей і Алена Лапцік

У Заслаўі з 23 па 25 ліпеня прайшлі першынство Мінскай вобласці па веславанні на байдарках і каноэ па праграме Алімпійскіх дзён моладзі і спартакіяда ДЮСШ Мінскай вобласці.

У спаборніцтвах удзельнічалі прадстаўнікі Мядзельскай СДЮШАР.

Асабліва ўдала выступілі яны ў першынстве вобласці. Там Алена Лапцік перамагла на байдарцы-адзіночцы на дыстанцыі 200 метраў і двойчы была трэцяй: на дыстанцыях  500 і 100 метраў. Алена Лапцік і Алена Карпей на байдарцы-двойцы хутчэй за ўсіх пераадолелі адлегласці ў 200 і 500 метраў і былі другімі на дыстанцыі 1000 метраў.

У спартакіядзе ДЮСШ вобласці трэцяе месца заняў Яўген Баўтрамовіч на каноэ-адзіночцы на кіламетровай дыстанцыі. Пра гэта паведаміў старшы трэнер аддзялення веславання на байдарках і каноэ Мядзельскай СДЮШАР Аляксандр Карпей.

Па выніках стартаў ў Заслаўі да ўдзелу ў рэспубліканскіх спаборніцтвах будуць рыхтавацца Алена Лапцік,Алена Карпей, Сяргей Цімановіч і Саулюс Наркунас.

Фота з архіву Алены Лапцік.