Тэракт ва

Источник материала:

Царква, у якой здарыўся выбух належыць Украінскай праваслаўнай царкве, што адносіцца да Маскоўскага патрыярхату і мае напружаныя стасункі з аўтакефальнай украінскай царквой.

Тэракт адбыўся ў апошні дзень візыту патрыярха Маскоўскага і ўсяе Русі Кірыла ва Ўкраіну.

Скрутак з самаробным выбуховым прыстасаваньнем быў закладзены на ўваходзе Сьвята-Пакроўскага катэдральнага сабору, што знаходзіцца на тэрыторыі гарадзкога рынку.

Яшчэ 8 чалавек атрымалі адносна лёгкія траўмы; частка зь іх адмовілася ад шпіталізацыі або, атрымаўшы першую дапамогу, пайшла дадому.

Выбух адбыўся падчас вечаровага набажэнства. Разбурэньняў будынку царквы няма, у ёй выбітыя шыбы. Прадстаўнікі УПЦ (МП) кажуць, што пашкоджаная сьцяна і частка іканастасу.

Сьледзтва сваіх вэрсіяў пакуль не агучвае.

Ачольнік Запароскай абласной адміністрацыі Барыс Пятроў адзначыў, што самаробная бомба не была «абалонкавай». Выбух такога прыстасаваньня не стварае асколкаў. «Можна дапусьціць што ў тых, хто гэта зрабіў мэты забіць людзей — не было», — мяркуе Пятроў.