Цэнтр для iнвалiдаў

Источник материала:

Iснуе праект i цяпер, аднак асобныя яго палажэннi пададзены ў двух варыянтах. Напрыклад, няўзгодненым застаецца палажэнне аб вышэйшых кiруючых органах Саюзнай дзяржавы: у адным варыянце застаецца цяперашняя назва — Вышэйшы Дзяржаўны Савет, у другiм — уводзяцца пасады прэзiдэнта i вiцэ-прэзiдэнта на ратацыйнай аснове. Сам У. Аксёнаў лiчыць, што падобныя пазiцыi «хутчэй з’яўляюцца не адрозненнем пазiцый беларускага i расiйскага бакоў, хаця такi момант i прысутнiчае, а канцэптуальнай нявызначанасцю, якая можа быць знята падчас непасрэдных кансультацый з прэзiдэнтамi». Дарэчы, дамова аб правядзеннi падобных сустрэч iснуе. Пакуль жа «эксперты не ў стане ўзяць на сябе адказнасць што-небудзь запiсваць, гэта не iх кампетэнцыя».

Галоўнай задачай дзейнасцi сумеснай беларуска-расiйскай камiсii па распрацоўцы Канстытуцыйнага акта У. Аксёнаў бачыць фармiраванне такiх саюзных органаў, якiя б самi маглi займацца праектаваннем далейшага развiцця Саюзнай дзяржавы. Пры гэтым ён адзначыў, што тут можна ўзяць станоўчы прыклад Еўрапейскага саюза, работа якога па праектаванню сумеснага прававога, палiтычнага, эканамiчнага поля дае плён. Таму, лiчыць У. Аксёнаў, калi «мы i на наступным этапе пабудуем такую Саюзную дзяржаву, запiшам у Канстытуцыйным акце, што зноў органы Саюзнай дзяржавы не будуць мець неабходнага мiнiмуму паўнамоцтваў, перспектывы ў такiм разе будуць не вельмi шырокiя».