Без «трывожнай кнопкi» — не абысцiся?

25.08.2009 21:17 — |

Размер текста:: A; A; A

Источник материала:

Сяргей ГРЫБ

Як паведамiла карэспандэнту «Звязды» начальнiк упраўлення сацыяльнай дапамогi i сацыяльнага абслугоўвання Мiнiстэрства працы i сацыяльнай абароны Таццяна Шаметавец, да канца гэтага года патрабаванне дзяржаўных стандартаў па стварэнню цэнтраў сацыяльнага абслугоўвання ў кожным раёне можа быць выканана яшчэ ў двух рэгiёнах Беларусi — Магiлёўскай i Вiцебскай абласцях.

Варта нагадаць, што першай патрабаванне дзяржаўных стандартаў выканала сталiца, дзе на 9 адмiнiстрацыйных раёнаў прыпадае 10 цэнтраў. Што да астатнiх рэгiёнаў, то тут распрацаваны праграмы аблвыканкамаў па iх стварэнню. Гэтыя праграмы, з улiкам фiнансавых магчымасцяў, павiнны быць рэалiзаваныя на працягу 2003—2005 гадоў. Дарэчы, сёння на тэрыторыi Беларусi налiчваецца ўжо 113 падобных цэнтраў.

Адначасова, адзначыла Таццяна Шаметавец, распрацавана палажэнне аб цэнтрах сацыяльнага абслугоўвання. Цэнтры павiнны стаць адзiнымi, кажучы iнакш, адбудзецца аб’яднанне цяперашнiх цэнтраў сацыяльнага абслугоўвання сям’i i дзяцей з аддзяленнямi сацыяльнай дапамогi на даму пад адным дахам. Паводле слоў Таццяны Шаметавец, гэта дазволiць аказваць насельнiцтву ўвесь комплекс сацыяльных паслуг i павысiць iх якасць.

Мiж тым, для iнфармацыi. Зараз на ўлiку ў цэнтрах знаходзяцца амаль 560 тыс. сацыяльна «слабых» катэгорый грамадзян.

Толькi за першую палову гэтага года амаль 40 тыс. з iх атрымалi гуманiтарную дапамогу, 24 тыс. — розныя вiды матэрыяльнай дапамогi, больш за 11 тыс. — сацыяльна-медыцынскiя паслугi, нарэшце, 35 тыс. — сацыяльна-псiхалагiчную дапамогу.