Прывезлi знiшчаць бомбу, а знайшлi снарады i мiны

Источник материала:

Як нас дураць

Адна з iх прадстаўляецца сваiм клiентам, а дакладней ахвярам, Соф’яй Пятроўнай, а другая, маладзейшая, — Вольгай. Было так. Соф’я Пятроўна — «спецыялiст па экстрасенсорнай медыцыне» — сярод соцень прахожых сваiм прафесiйным вокам выбiрае маладую жанчыну i ставiць Ларысе (iмя зменена) шакiруючы дыягназ: маўляў, на яе накладзена моцная псота, i нiякiя лекавыя прэпараты дапамагчы тут не здольныя. Не верыце? А вось вам i доказ. Соф’ю Пятроўну «раптам» сустракае на вулiцы Вольга, чыя мацi ўжо паправiлася дзякуючы цудадзейнаму метаду гэтай знахаркi. Дзяўчына шчыра ўдзячная ёй за лячэнне мамы, але ж трэба ратавацца ад сурокаў i самой. «Саспявае» i Ларыса.

Затым у магазiне купляюцца дзве швейныя iголкi, якiя Вольга i Ларыса моцна сцiскаюць у кулаках. Праз хвiлiну нiякiх сумненняў у наяўнасцi сурокаў не застаецца, бо iголкi, як i прадказвала Соф’я Пятроўна, пачарнелi. Дзяўчаты выкiдваюць iх, тройчы плюнуўшы цераз левае плячо. Але ўсё яшчэ толькi пачыналася.

Наступная сустрэча знахаркi са сваімi пацыенткамi была прысвечана так званай замове вады, пасля чаго Соф’я Пятроўна перайшла да галоўнага этапа «лячэння», загадаўшы дзяўчатам сабраць у сумкi ўсе каштоўныя рэчы i, канешне, грошы. Прычым сумкi трэба размясцiць не абы-дзе, а ў пэўным кутку спальнага пакоя. Усё, сурокi амаль пераможаныя. Засталося толькi вымавiць заклiнанне — у поўнач, на могiлках, ля дзесятай магiлы i абавязкова ў прысутнасцi сумкi з вашымi каштоўнасцямi.

Але тут узнiкае праблема ў Вольгi. Не, яна па-ранейшаму цалкам давярае Соф’i Пятроўне, ды толькi муж гэты начны паход нiяк не зразумее. А Ларысе iсцi на могiлкi адной, без таварышкi па няшчасцю, страшна. У рэшце рэшт дамовiлiся, што Соф’я Пятроўна забярэ iхнiя сумкi i сама скажа, што трэба, ля дзесятай магiлы. А назаўтра ўсе рэчы вернуцца ўжо «чыстымi» да сваiх гаспадынь.

Доўга чакала Ларыса ў прызначаным месцы Соф’ю Пятроўну i Вольгу, але марна. Кiнулася ў пад’езд, адкуль апошняя вынесла сумку, абышла ўсе кватэры — Вольга там не пражывае. У вынiку «плакалi» 260 долараў, 15 тысяч рублёў, вырабы з золата, срэбра i iншыя каштоўныя рэчы.

Дарэчы, у студзенi аналагiчным чынам у Гродне былi аблапошаныя пенсiянерка, якая пазбавiлася 70 тысяч рублёў, i студэнтка, якую «кiнулi» ажно на 450 долараў плюс залатыя ўпрыгажэннi i iншыя нятанныя рэчы.