Указ Прэзiдэнта Рэспублiкi Беларусь № 510

Источник материала:

1. Устанавiць з 1 лiстапада 2005 г. штомесячную даплату да сацыяльных пенсiй, назначаных у адпаведнасцi з Законам Рэспублiкi Беларусь ад 17 красавiка 1992 года «Аб пенсiйнным забеспячэннi» (Ведамасцi Вярхоўнага Савета Рэспублiкi Беларусь, 1992 г., № 17, стар. 275):

дзецям-iнвалiдам ва ўзросце да 18 гадоў, iнвалiдам I i II груп з прычыны агульнага захворвання, у тым лiку iнвалiдам з дзяцiнства, дзецям, якiя страцiлi кармiцеля, — у памеры 20 працэнтаў бюджэту пражытковага мiнiмуму ў сярэднiм на душу насельнiцтва, якi зацвярджаецца Саветам Мiнiстраў Рэспублiкi Беларусь;

iнвалiдам III групы з прычыны агульнага захворвання, у тым лiку iнвалiдам з дзяцiнства, — у памеры 10 працэнтаў бюджэту пражытковага мiнiмуму ў сярэднiм на душу насельнiцтва, якi зацвярджаецца Саветам Мiнiстраў Рэспублiкi Беларусь.

2. Мiнiстэрству фiнансаў забяспечыць фiнансаванне з рэспублiканскага бюджэту расходаў на выплату даплат, прадугледжаных у пункце 1 гэтага Указа.

3. Савету Мiнiстраў Рэспублiкi Беларусь прыняць меры па рэалiзацыi гэтага Указа.

4. Гэты Указ уступае ў сiлу з дня яго афiцыйнага апублiкавання.

Прэзiдэнт Рэспублiкi Беларусь А. Лукашэнка.

28 кастрычнiка 2005 г., г. Мiнск.