Аўтамабiль у крэдыт...

Источник материала:

Наогул, унесеныя змяненнi прадугледжваюць магчымасць дадатковай эмiсii банкаўскiх пластыкавых картак, пашыраюць спектр банкаўскiх паслуг шляхам прадастаўлення фiзiчным асобам магчымасцi разлiкаў за набываемыя тавары праз крэдыты банкаў, а таксама магчымасць зняцця наяўных грашовых сродкаў з крэдытных банкаўскiх пластыкавых картак.

Як паведамiў карэспандэнту «Звязды» прэс-сакратар Нацыянальнага банка Мiхаiл ЖУРАВОВIЧ, гэтым дакуметам для фiзiчных асоб пашыраны i пералiк выпадкаў атрымання крэдытаў у замежнай валюце.

— Калi раней яны выдавалiся на будаўнiцтва жылля i куплю жылых памяшканняў, то з уступленнем пастановы ў сiлу на якiя яшчэ мэты чалавек зможа атрымаць крэдыт у СКВ?

— Названыя змяненнi даюць права атрымання яго, у тым лiку па дагаворах удзелу ў рамках мясцовых жыллёвых пазык, а таксама на рамонт жылых памяшканняў i набыццё транспартных сродкаў. Акрамя таго, дакументам адменена праверка матэрыяльнага забеспячэння, а тэрмiн пагашэння пратэрмiнаванай запазычанасцi можа быць павялiчаны да 5 гадоў. Мiж iншым, раней гэты тэрмiн, быў не больш чым 12 месяцаў.

— А з чым звязана пашырэнне пералiку атрымання крэдытаў у валюце?

— Удасканальваецца форма работы банкаў, вывучаецца попыт насельнiцтва на пэўныя вiды паслуг. Як вядома, уклады фiзiчных асоб у банках павялiчваюцца. Зразумела, грошы не могуць там ляжаць мёртвым грузам. Тым больш, Канцэпцыяй развiцця банкаўскай сiстэмы прадугледжана пашырэнне пералiку паслуг.

— Як хутка банкi прыступяць да выдачы валютных крэдытаў на куплю, напрыклад, транспартных сродкаў?

— Праўленнем Нацбанка змяненнi i дапаўненнi ў Правiлы размяшчэння банкамi краiны грашовых сродкаў у форме крэдытаў адобраны, аднак дакумент яшчэ не прайшоў прававую экспертызу. Вось калi апошняе адбудзецца i адпаведная пастанова будзе апублiкавана ў прэсе, тады банкi i змогуць прыступiць да аказання новых вiдаў паслуг.