За тры гады дзеяння дазвольнай адзнакi — пяць базавых велiчынь

Источник материала:

Сутнасць прынятага рашэння — iснуючая зараз сiстэма афармлення дакументаў для выездаў за мяжу захаваецца яшчэ на працягу крыху больш чым трох гадоў — зразумелая, але як яна будзе ажыццяўляцца на практыцы. Вiдавочна, многiя грамадзяне, чакаючы вердыкта Канстытуцыйнага Суда, не спяшалiся афармляць або падаўжаць тэрмiн дзеяння адзнакi, якая дае права на выезды за мяжу.

— Валерый Антонавiч, галоўнае пытанне: якiм чынам зараз насельнiцтва будзе аплачваць пошлiну за прастаўленне ў пашпартах адзнакi, калi мiнiмальны тэрмiн яе дзеяння на сённяшнi дзень пяць гадоў, а iснуючая сiстэма, згодна з рашэннем Канстытуцыйнага Суда, павiнна праiснаваць толькi тры гады — уносiць пяць цi ўсё ж тры базавыя велiчынi за афармленне?

— Тым грамадзянам, якiя будуць афармляць пашпарты для выездаў за мяжу, давядзецца ўносiць пошлiну ў памеры пяцi базавых велiчыць. Змяншэнне гэтай пошлiны ў блiжэйшай перспектыве не плануецца.

— Калi будзе прынята рашэнне аб увядзеннi другога па лiку пашпарта, у якую суму абыдзецца афармаленне дакумента беларусу?

— Адразу зазначу, што наяўнасць адразу двух пашпартоў — унутранага i замежнага — ужо даўно не навiна для нашых суседзяў, напрыклад, украiнцаў i расiян. Калi ў нас будзе прынята прынцыповае рашэнне аб увядзеннi другога пашпарта, яго афармленне грамадзянам будзе каштаваць шасцi базавых велiчынь, з якiх адна — уласна за сам бланк дакумента. Тэрмiн дзеяння складзе пяць гадоў, дазвольная адзнака ў iм будзе адсутнiчаць. Атрымаць другi пашпарт зможа любы жадаючы.

— Карыстаючыся выпадкам, колькi грамадзян Беларусi ўжо атрымалi новы нацыянальны пашпарт?

— На сённяшнi дзень прыкладна 6 мiльёнаў 750 тысяч чалавек, або каля 77 працэнтаў дарослага насельнiцтва.