«Дарыда» — за падтрымку хлебаробаў

Источник материала:

Ужо не першы год адным з галоўных спонсараў гэтага мерапрыемства з’яўляецца унiтарнае прыватнае прадпрыемства «Дарыда» — адно з лiдараў на айчынным рынку па выпуску высакаякаснай мiнеральнай i пiтной вады i газiраваных напояў. Яшчэ напярэдаднi веснавых палявых работ на старонках газеты паведамлялася, што фiрма «Дарыда» дастойна адзначыць перадавiкоў збожжавых палеткаў Мiншчыны. Карэспандэнт «Звязды» звязаўся з адзiным заснавальнiкам УПП «Дарыда», дэпутатам Палаты прадстаўнiкоў Нацыянальнага сходу РБ Уладзiмiрам Дзялендзiкам i пацiкавiўся наконт таго, з чым сёння прадпрыемства выступiць перад хлебаробамi Мiнскга раёна.

— Думаю, што нiхто з раённых уладаў, ды i вашых чытачоў таксама, не сумняваўся, — гаворыць спадар Дзялендзiк, — што УПП «Дарыда» стрымае сваё слова, бо абяцаннi на вецер нiколi не кiдае. Ды i хiба можна абмiнуць увагай лепшых сяльчан, якiя прыкладаюць неймаверныя намаганнi, каб на нашым стале былi хлеб i да хлеба?

— Уладзiмiр Вiктаравiч, калi не сакрэт, чым сёння фiрма «Дарыда» адорыць герояў сельскагаспадарчай нiвы?

— Наколькi я памятаю, для iх узнагароджання набыта па 10 халадзiльнiкаў, каляровых тэлевiзараў, мiкрахвалевых печаў, пыласосаў, 5 музычных цэнтраў. Многiя з перадавiкоў атрымаюць яшчэ i грашовыя прэмii. Так што мяркуйце самi, наколькi важкiм акажацца наш удзел у фiнале пасяўной кампанii.

— Скажыце шчыра, гэтыя майскiя дабрачыннасцi не адаб’юцца на адладжаным рытме УПП «Дарыда»?

— Намёк зразумеў. Скажу адразу, што не. Тым больш што дапамагаць — гэта маё жыццёвае крэда. Увогуле, май для прадпрыемства, як правiла, выдаецца «гарачым» не толькi ў сэнсе надвор’я. Так, зусiм нядаўна, напярэдаднi Дня Перамогi, фiрма «Дарыда» па добрай традыцыi паклапацiлася пра ветэранаў Вялiкай Айчыннай вайны, якiя пражываюць на тэрыторыi Мiнскага раёна. Калi не памыляюся, прадпрыемства дапамагло матэрыяльна i ўручыла падарункi 260 чалавекам.

Дабрачыннасць УПП «Дарыда» — гэта не пусты гук, асаблiва для тых, хто мае ў гэтым вострую патрэбу. Ды i не варта забываць, што любая добрая справа абавязкова акупiцца ў шмат разоў.

Гутарыў Уладзiмiр ЗДАНОВIЧ.