З пачатку года знешняя запазычанасць за пастаўленыя энергарэсурсы знiзiлася прыкладна на 54 млн. дол

Источник материала:

— Што датычыцца адзiнага палiўна-энергетычнага балансу Расii i Беларусi, то на гэты год мы ўзгаднiлi з расiйскiм бокам спажыванне прыроднага газу ў памеры 18,5 млрд. кубiчных метраў. У 2002 годзе было 17,4 млрд. кубiчных метраў. Такiм чынам сёлета аб’ём спажывання большы. Пры гэтым «Газпрам» сёлета пастаўляе, як i летась, 10,2 млрд. кубiчных метраў. 5,3 млрд. пастаўляе «Iтэра». Усё астатняе пастаўляецца незалежнымi пастаўшчыкамi. Пакуль баланс спажывання газу вытрымлiваецца i нейкiх асаблiвых непрыемнасцяў з пастаўкай газу ў Беларусь няма.

— Плануецца, што сiтуацыi з недахопам энергарэсурсаў сёлета не будзе?

— Мы на гэта спадзяёмся. Ды i пакуль аплата бягучага спажывання намi ажыццяўляецца на 100 працэнтаў. Адначасова з гэтым мы пагаша-ем знешнюю запазычанасць рэспублiкi за пастаўленыя энергарэсурсы.

— Цi можаце вы паведамiць, як сёлета ажыццяўлялася пагашэнне знешняй запазычанасцi?

— З пачатку года па 1 лiпеня знешняя запазычанасць знiзiлася прыкладна на 54 млн. долараў. Пры гэтым за пастаўкi газу запазычанасць знiзiлася на суму каля 34 млн. долараў i каля 20 млн. — за электраэнергiю.

— Цi можна гаварыць аб тым, што графiк пагашэння запазычанасцi цалкам вытрымлiваецца?

— Ёсць пэўныя складанасцi з яго выкананнем. Але, у прынцыпе, мы iмкнёмся яго выканаць цалкам.

— Цi можаце вы назваць найбольш праблемныя па аплаце за спажываемыя энергарэсурсы ведамствы Беларусi?

— Даўжнiкi заўсёды ёсць. Але ў краiне створана спецыяльная камiсiя, якая разглядае гэтае пытанне. Таксама пастаянна праходзяць разгляды гэтага пытання ў прэзiдэнта. Усё робiцца для таго, каб не паўтарылася леташняя сiтуацыя з абмежаваннем паставак газу ў нашу краiну. I калi ўзнiкаюць нейкiя праблемы, то меры прымаюцца аператыўна.